Германската канцеларка Ангела Меркел смета дека е многу рано за ублажување на мерките воведени со цел да се спречи ширењето на новиот коронавирус.
Според неа, германската влада би била лоша доколку сега го одреди датумот кога мерките би биле намалени.
„Направивме еден чекор напред во кризата, а за ублажување на мерките е многу рано. Германија ќе се врати на нормалниот живот, штом тоа го дозволи здравствената ситуација“,
рече Меркел на денешната прес-конференција.
Германската канцеларка објасни дека за да се усвои одлука за ублажување на мерките е потребно да се исполнат повеќе критериуми.
Во тек се разговори, додаде Меркел, со експерти во врска со евентуално воведување на задолжително носење заштитни маски.