Германската канцеларка Ангела Меркел денеска го истакна значењето на единството на Европа во борбата против пандемијата на коронавирусот и најави дека целта на германското претседателство со ЕУ, од 1 јули, ќе биде да ја направи Европа поподготвена за 21. век.
„Во наредните недели и месеци мора да покажеме дека сме единствени, дека можеме да ги надминеме штетите, економските последици од оваа криза и дека можеме да постигнеме се со цел Европа да ја надмине оваа ситуација“,
рече германската канцеларка во неделната порака.
Таа истакна дека после кризата е потребна програма за раст, поради што Германија многу повеќе ќе се ангажира околу буџетот на ЕУ, отколку досега.
Меркел рече и дека во претстојното претседателство на Германија со ЕУ на дневен ред ќе биде климата, но и здравството.
„Целта е по завршувањето на германското претседателство да имаме Европа која ќе биде поподготвена за 21-от век отколку што е денес“,
порача таа.