Фондот за здравство вчера попладне одлучил дека ќе се обезбедат средства за оваа намена за Здравствен дом-Скопје
Четириесетте медицински сестри кои беа ангажирани на определено време во Здравствен дом-Скопје, а чии договори за работа истекле на 31 октомври, од денеска се враќаат на работа, најави синоќа на својот фејсбук-профил министерот за здравство Венко Филипче.
„Тие и понатаму ќе ја работат најблагородната професија – спасување човечки животи!“,
се вели во објавата, во која Филипче објаснува дека нивните договори се продолжуваат.
Од утре, 40те медицински сестри се враќаат на работа! Договорите со кои беа ангажирани на определено време во…
Posted by Венко Филипче on Tuesday, November 24, 2020
Се работи за медицинските сестри за кои јавноста реагираше бидејќи останаа без ангажман откако нивните договори истекле заклучно со крајот на минатиот месец, а за продолжување била потребна согласност од Фондот за здравствено осигурување (ФЗО).
Фондот вчера попладне одлучил дека ќе се обезбедат средства за оваа намена за Здравствениот дом-Скопје.
Агенцијата за вработување вчера доставила информации до Министерството за невработени лекари, медицински сестри и друг здравствен персонал, на кои ќе им биде понудено вработување во ковид-центрите низ државата.
Во моментов има оглас за дополнителни вработувања и на Инфективната клиника.