33-годишната медицинска сестра покрај пресудите за убиство е прогласена и за виновна за обид за убиство на уште шест бебиња во болница во градот Честер во период од јуни 2015 г. до јуни 2016 г.
33-годишната медицинска сестра од Англија, Луси Летби е прогласена за виновна за убиство на седум бебиња и обид за убиство на уште шест, а казната се очекува да и биде изречена во понеделник во Манчестер. Со убиствата кои таа ги извршила стана најмасовен сериски убиец на деца во поновата историја на Обединетото Кралство.
Летби своите жртви ги гушела, ги хранела со млеко насилно и ги труела со инсулин, а обвинителството за неа кажа дека манипулирала со своите колеги за да ги сокрие своите убиствени намери.
“Во нејзините раце безопасни супстанци како воздух, млеко и течности или лекови како инсулин станувале смртоносни”,
рече обвинителот.