Маж се заканувал на социјалните мрежи дека ќе убие функционери, по што обвинителството поднесе обвинителен предлог за кривично дело загрозување на сигурноста од член 144 став 4 во врска со член 45 од Кривичниот законик.
Обвинетиот 34-годишник, во периодот од 29 до 31 март, искористувајќи исти можности и други слични околности, преку својот профил на една социјална мрежа се заканил дека ќе изврши кривично дело убиство. За ова дело е пропишана казна затвор од над пет години.
Тој во повеќе наврати објавувал текстови со заканувачка содржина, а заканите биле упатени кон политичари и владини функционери.