Оваа одлука денеска ја донесе Управниот одбор на Здружението на приватни лекари поради неисполнување на барањата на лекарите од страна на здравствените власти. Според одлуката, во текот на овие три дена матичните лекари ќе бидат во своите ординации, но нема да издаваат упати и нема да пропишуваат рецепти за пациентите
Матичните лекари во земјава најавија протест на работните места на 5,6 и 7 септември (понеделник, вторник и среда) со цел да искажат револт поради повеќемесечното неисполнување на нивните барања од страна на здравствените власти.
Оваа одлука денеска ја донесе Управниот одбор на Здружението на приватни лекари. Според одлуката, во текот на овие три дена матичните лекари ќе бидат во своите ординации, но нема да издаваат упати и нема да пропишуваат рецепти за пациентите.
На пациентите со хронични болести им препорачуваат да побрзаат до понеделник по рецепти за неопходните лекови.
Матичните лекари уште во февруари побараа зголемување на капитациониот бод и на пациенти на ПЗУ. Тие очекуваат примарното здравство да биде прва точка на владина седница и да се изнајдат конкретни решенија, со што им оставија неколку дена на здравствените власти за повторно да ги разгледаат нивните барања.
Претходно во јуни, матичните лекари најавија дека од 1 септември ќе ги затворат ординациите доколку не бидат прифатени нивните барања за подобрување на условите за работа.