Според „Политико“, Руте доаѓа на чело на НАТО во критични времиња, како што пишува бриселскиот медиум, тој се очекува да ја преземе функцијата на 2 октомври, само еден месец пред американските избори, кои, како што се вели во објавата, ќе ја обликуваат судбината на овој воен сојуз
Руте се смета за жесток критичар на рускиот претседател Владимир Путин и верен сојузник на Украина. Тој е еден од најголемите поддржувачи на европската воена поддршка за Украина од почетокот на руската инвазија во февруари 2022 година. Според него, поразот за Москва е клучен за мирот во Европа
Холандскиот премиер во заминување Марк Руте ќе биде новиот генерален секретар на НАТО, кој треба да го наследи сегашниот Јенс Столтенберг, пренесува „Политико“.
Откако пред два Унгарија и Словачка дадоа поддршка за Руте, денеска и Романија ја потврди својата поддршка, по што романскиот претседател Клаус Јоханис ја повлече својата кандидатура за главната функција во НАТО. За време на состанокот на Врховниот совет за национална одбрана, Јоханис изјавил дека ги известил сојузниците на НАТО за повлекувањето на неговата кандидатура.
Според „Политико“, Руте доаѓа на чело на НАТО во критични времиња, како што пишува бриселскиот медиум, тој се очекува да ја преземе функцијата на 2 октомври, само еден месец пред американските избори, кои, како што се вели во објавата, ќе ја обликуваат судбината на овој воен сојуз.
Изборот на Руте за нов генерален секретар на НАТО, според „Политико“, значи дека ова прашање ќе се расчисти пред месец јули кога лидерите на НАТО ќе заминат за Вашингтон за да ја одбележат 75-годишнината од алијансата.
За оваа функција, Руте води кампања од ноември минатата година.
Руте се смета за жесток критичар на рускиот претседател Владимир Путин и верен сојузник на Украина. Тој е еден од најголемите поддржувачи на европската воена поддршка за Украина од почетокот на руската инвазија во февруари 2022 година. Според него, поразот за Москва е клучен за мирот во Европа.
Под негово водство, Холандија ги зголеми трошоците за одбрана на повеќе од два отсто од БДП што ги бара НАТО и донираше авиони Ф-16, артилерија, беспилотни летала и муниција на Киев.
Руте живее во Хаг, а неколку пати изјавил дека војната во Украина го поттикнала да се одлучи да се кандидира за оваа меѓународна функција.
Руте има добри односи со голем број на британски и американски функционери. Многумина го сметаат за еден од оние во ЕУ кои најдобро се справиле со американскиот претседател Доналд Трамп, кој повторно се кандидира за влез во Белата куќа.
Изборот на Руте следи по долг процес во кој мандатот на Столтенберг беше продолжен четири пати. Во 2017 година, сојузниците избраа да го продолжат мандатот на генералниот секретар до крајот на септември 2020 година. Во 2019 година, тие го преместија тој датум за септември 2022 година. Но, руската инвазија на Украина поттикна уште едно продолжување, кое требаше да трае до септември 2023 година. Во јули минатата година година, сојузниците на НАТО се согласија да го продолжат мандатот на Столтенберг како генерален секретар за уште една година.
Столтенберг пред два дена оцени дека Руте е силен кандидат за генерален секретар на НАТО, како и дека одлуката за избор на негов наследник е многу блиску.