Во врска со наводите дека е постигнат договор со Алтернатива за ревизија на неколку судски случаи, министерот за правда вели дека не е првпат да се отвора ова прашање, но дека е најважно да нема политичко влијание на исходот и суштината на предметите
Мониторингот на судски случаи не е новитет, постојат организации кои тоа го мониторираат, а дел од ове предмети беа барани за мониторинг. Имаше барања и за други предмети кои биле судени во времето на „режимот“, изјави вечерва министерот за правда, Боран Маричиќ на „Топ тема“ на Телма.
Владата има побарано помош од ЕУ за мониторирање случаи на висока корупција, како и некои законски решенија во парламентот. Нема проблем било кој случај да биде мониториран, но да не се влијае на суштината ниту пак на исходот. Тоа не би било проблем за кого било, а одлуките се на обвинителството и на судиите“,
вели министерот за правда, во врска со договорот со Алтернатива за ревизија на одредени судски случаи.
Според Маричиќ извршната власт нема да се меша ниту во судската власт ниту овинителството, туку само ќе мониторира.
„Има различни случаи, некои се завршени, некои не. Ние како Влада сме побарале мониторинг од ЕУ, 20 случаи на висока корупција се набљудуваат, има случаи на СЈО, а има и други. Не е првпат да се отвора ова прашање, но најважно е да нема политичко влијание на исходот и суштината на предметите“,
рече Маричиќ.