Освен иницијативата од Маневски, до Уставниот суд стигнале уште две други за истиот закон. Едната е на Томе Тодоровски, адвокатот кој го оспоруваше и Законот за Специјалното јавно обвинителство, а другата од Тодор Петров од Светскиот македонски конгрес
Поранешниот министер за правда Михајло Маневски, бара да се поништи Законот за јавно обвинителство што Собранието го донесе лани, како неуставен, а спорно е според него и гласањето на Законот со што бил прекршен собранискиот Деловник. Маневски кој присуствуаше на денешната подготвителна седница на Уставниот суд, како подносител на иницијативата за оценување на уставноста на Законот за ЈО, образложи дека претседателот на Собранието немал право да го поништи првото гласање. Дополнително, како што тврди Маневски, законот бил повлечен, па вратен во собраниска процедура и требало повторно да се разгледува на нова седница, наместо во продолжение на претходната.
„Со оглед на тоа дека е повреден Деловникот и дека гласањето не може да биде поништено, претседателот е должен да ги соопшти резултатите од гласањето, колку пратеници се „за“, колку против, колку севоздржани и да соопшти дали законот е донесен или не е донесен. Ако го нема потребното мнозинство, во конкретниот случај двотретинско , очигледно е дека законот не е донесен. Повредени се и многу материјални одредби“,
изјави Маневски.
Освен иницијативата од Маневски, до Уставниот суд стигнале уште две други за истиот закон. Едната е на Томе Тодоровски, адвокатот кој го оспоруваше и Законот за Специјалното јавно обвинителство, а другата од Тодор Петров од Светскиот македонски конгрес.
„Претседателот на Собранието без овластување по Устав, закон и Деловник го поништува гласањето и го повторува, иако според Деловникот тоа не е во согласност со одредбите на актот за работа на законодавниот дом. Закон кој не е донесен, не може ниту да се објави во „Службен весник“ и затоа бараме заедно со Законот за јавно обвинителство, да биде поништен и Указот за негово прогласување од претседателот на Републиката“
изјави Петров.
На денешната подготвителна седница по иницијативите за оценување на уставноста на Указот за прогласување на Законот за јавното обвинителство и Законот за јавното обвинителство од 16 февруари 2020 година, уставниот судија Осман Кадриу рече дека се поднесени три иницијативи, во кои се тврди дека се повредени повеќе одредби од Уставот
На подготвителната седница, на покана на претседателот на Уставниот суд Сали Мурати, присуствуваше и претседателот на Собранието Талат Џафери, кој рече дека при постапката за донесување на Законот и начинот на гласање во целост се почитувале одредбите од Деловникот на Собранието.
На прашање на судијката Елена Гошева, врз основа на која одредба од Деловникот се повторува гласањето, Џафери рече дека тој го поништил гласањето поради тоа што на таа седница двајца пратеници реагирале оти на екранот не се прикажуваат нивните гласови.
Законот за ЈО беше донесен со 80 гласа „за“, но во повторено гласање, на 16 февруари 2020 година, пред распуштањето на претходниот собраниски состав.
Опозициската ВМРО-ДПМНЕ реагираше дека Законот не го добил првично потребното двотретинско мнозинство и апелираше до Пендаровски да не го потпишува. Но Пендаровски го потпиша Указот за прогласување на Законот и им порача сите коиимаат забелешки за начинот на гласањето да ги достават до Уставниот суд.
За ВМРО-ДПМНЕ беше спорен и членот 110 од , кој предвидува прислушувани разговори да не можат да бидат основа за подигнување обвиненија, туку тие само да служат како индиции. Исклучок од ова веќе законско правило се бидат предметите на СЈО покренати до 30 јуни 2017 година. Сите прислушувани разговори што не се предадени во Судот како докази или индиции во истраги, Законот предвидува да се уништат.