Петнаесетгодишна девојка од село Селце, Тетовско, позитивна на ковид-19, почина на Инфективната клиника во Скопје.
Како што информира Министерството за здравство, пациентката со многу тешка клиничка слика е донесена на Инфективна клиника, откако 13 дена претходно била со симптоми на болеста.
„Пред да биде болнички лекувана, пациентката имала тегоби 10 дена. Според медицинскиот извештај, станува збор за исклучително тежок случај, со развиена тешка форма на болеста и пациентка е со обезност“,
велат од Министерството за здравство.
Министерството информира дека таткото на девојчето во епидемиолошката анкета навел оти и мајката на девојчето е почината од ковид-19.
Во текот на денот директорката на Инфективната клиника, Милена Стевановиќ, ќе даде повеќе детали околу случајот.