Во писмото потпишано од пратениците Павле Трајанов, Маја Морачанин, Моника Зајкова, Боби Мојсоски, Љупчо Балкоски и Бејџан Иљас потсетуваат дека Предлог-законот за измени на Изборниот законик – една изборна единица, пропорционален модел и без изборен праг е доставен уште на 5 март 2021 година и дека тој е ставен на дневен ред на седницата закажана за 18 мај, но оти досега не е почната расправата
Пет мали парламентарни партии ја условуваат натамошната поддршка на новата Влада барајќи во рок од три месеци да се донесат измените на Изборниот законик. Доставиле и писмо до претседателот на Собранието, Талат Џафери во кое бараат во најкус можен рој да се закаќе пленарна седница на која ќе се расправа за предлозите за една изборна единица, пропорционален модел и без изборен праг.
Во писмото упатено до претседателот на Собранието потсетуваат дека Предлог-законот за измени на Изборниот законик е доставен уште на 5 март 2021 година и дека тој е ставен на дневен ред на седницата закажана за 18 мај, но оти досега не е почната расправата.
„Со оглед на важноста на законот, инсистираме во најбрз можен рок да се закаже пленарна седница и да се отвори расправа по Предлог-законот. Инаку, со промените се предлага Република Северна Македонија да биде една изборна единица, со пропорционален изборен модел и без праг“,
се наведува во барањето.
Барањето е потпишано од пратениците Павле Трајанов, Маја Морачанин, Моника Зајкова, Боби Мојсоски, Љупчо Балкоски и Бејџан Иљас, од Демократскиот сојуз, ДОМ, ЛДП, ВМРО Народна и Демократската партија на Турците.
Бараат да се донесе законот во рок од три месеци. Доколку до 15 април не се донесат измените ,тие најавуваат дека ќе го напуштат владејачкото мнозинство. Поддршка за изборните реформи ќе бараат од сите пратенички групи и независни пратеници.