Намалување на судската такса за физичките лица за седум пати, предложила Владата на денешната седница.
Министерот за правда Бојан Маричиќ вели дека со измените на Законот за судски такси, кои Владата ќе ги достави до парламентот, правдата ќе стане подостапна за граѓаните.
„Владата на денешната седница одлучи да предложи измена на Законот за судски такси, со што максималната судска такса за физичките лица се намалува за седум пати (од 48 000 денари на 6 000 денари). Работиме во интерес на граѓаните за да ја направиме правдата подостапна“,
напиша на својот фејсбук-профил министерот за правда Бојан Маричиќ.