Емануел Макрон предизвика бран на недоразбирање во САД и Европа барајќи од Европската Унија „да не ги копира“ Вашингтон и Пекинг за прашањето на Тајван. Изјавите веднаш беа протолкувани како дистанцирање од Вашингтон, кој од почетокот на руската офанзива ѝ пружа целосна помош на Украина
Францускиот претседател Емануел Макрон денеска изјави дека да се биде сојузник на САД не значи да се биде нивен вазал, потврдувајќи ги во целост неговите контроверзни изјави за Тајван.
„Да се биде сојузник не значи да се биде вазал. Да се биде сојузник не значи дека веќе немаме право да размислуваме со своја глава. Франција е за статус кво во Тајван, ја поддржува политиката на една Кина и бара мирно решение на ситуацијата“,
рече тој на прес-конференција во Амстердам.
Емануел Макрон предизвика бран на недоразбирање во САД и Европа барајќи од Европската Унија „да не ги копира“ Вашингтон и Пекинг за прашањето на Тајван. Изјавите веднаш беа протолкувани како дистанцирање од Вашингтон, кој од почетокот на руската офанзива ѝ пружа целосна помош на Украина.
„Макрон е наш пријател, а во исто време ѝ се додворува на Кина“,
изјави поранешниот американски претседател Доналд Трамп.
„Позицијата на Франција и на Европејците за Тајван е ист: ние сме за статус кво“,
изјави сепак францускиот претседател во Амстердам.
Во исто време, Макрон изрази жалење што Доналд Трамп придонесува за ескалацијата.
„Додека беше претседател, јас не ги коментирав неговите изјави, нема да го сторам тоа ниту сега, кога тој веќе не е претседател“,
рече тој.
Франција не е рамнодушна на тензиите околу Тајван, изјави претходно во средата француски дипломатски извор, додека Кина одржуваше воени вежби за да изврши притисок врз островот.