Директорот на МААЕ, Рафаел Гроси, апелира до оние што донесуваат воени одлуки да се воздржат од каква било акција што ги прекршува основните принципи за заштита на нуклеарните постројки
Безбедноста на нуклеарната централа „Запорожје“ во источна Украина не е загрозена по вчерашниот напад со дрон, соопшти Меѓународната агенција за атомска енергија (МААЕ) на својот профил на платформата Икс.
Во соопштението објавено на Икс се истакнува дека штетата на шестата единица од централата не ја загрозува нуклеарната безбедност, но дека тоа е сериозен инцидент со потенцијал да го поткопа интегритетот на системот за задржување на реакторот.
IAEA experts confirmed physical impact of drone attacks at ZNPP today, incl. at 1 of its 6 reactors.
— IAEA – International Atomic Energy Agency ⚛️ (@iaeaorg) April 7, 2024
One casualty reported. Damage at unit 6 has not compromised nuclear safety, but this is a serious incident w/ potential to undermine integrity of the reactor’s containment system. pic.twitter.com/FvMsb4I4vs
МААЕ соопшти и дека во нападот загинало едно лице, а оти е причинета помала материјална штета.
Директорот на МААЕ, Рафаел Гроси, апелира до оние што донесуваат воени одлуки да се воздржат од каква било акција што ги прекршува основните принципи за заштита на нуклеарните постројки.
Drone strikes hit the site of Ukraine’s Zaporizhzhya Nuclear Power Plant today, in a serious incident that endangered nuclear safety and security, Director General @rafaelmgrossi said. https://t.co/nHzPzKxW6D pic.twitter.com/lKBfHOqAUY
— IAEA – International Atomic Energy Agency ⚛️ (@iaeaorg) April 7, 2024
Прес-службата на нуклеарната централа, која е под контрола на руските сили, тврди дека нападот со беспилотно летало го извршиле украинските сили веднаш откако МААЕ изврши инспекција на постројката.
Украинската разузнавачка агенција ја отфрли одговорноста за нападот.
„Руските напади на територијата на украинската нуклеарна централа… долго време се добро позната криминална практика на напаѓачите“,
изјави портпаролот за локалните медиуми.