„Како министер за правда пред неколку дена се обратив до сите почитувани судии на Уставниот суд во врска со предметот каде што се оспорени уставноста и законитоста на Упатството за водење матични книги, а за кој Уставниот суд на седницата одржана на 05.7.2023 година донесе времена мерка, односно запирање на извршување поединечни акти кои произлегуваат од конкретното Упатство сè додека Уставниот суд не донесе конечна одлука во тој случај“, вели Лога преку писмено соопштение. Во него тој наведува дека од Судот побарал да постапи согласно своите уставни надлежности и да донесе мериторна одлука согласно веќе заземениот став од 2004 година
Министерот за правда Кренар Лога по месец и половина денеска преку писмено соопштение повторно го прозва Уставниот суд да донесе одлука во врска со предметот за уставноста и законитоста на Упатството за водење матични книги.
Станува збор за Упатството за водење матични книги што кон крајот на мај го донесе министерот Лога, а со кое се предвидува издавање на извод на родени во кој има графа за етничка припадност. Уставните судии изразија сомнеж во уставноста на ова упатство и покренаа иницијатива за проверка на законитоста. Во меѓувреме, односно на 5 јули, Судот донесе времена мерка со која го стави надвор од употреба упатството на Лога додека не се донесе конечна одлука за предметот.
Досега во изводите имаше графа за државјанството, но не и графа за национална припадност.
„Како министер за правда пред неколку дена се обратив до сите почитувани судии на Уставниот суд во врска со предметот каде што е оспорена уставноста и законитоста на Упатството за водење матични книги, а за кој Уставниот суд на седницата одржана на 05.07.2023 година донесе времена мерка, односно запирање на извршување на поединечни акти кои произлегуваат од конкретното Упатство, се додека Уставниот суд не донесе конечна одлука во тој случај“,
се наведува во писмената изјава на Лога.
Како што наведува во изјавата, Лога од Уставниот суд побарал да постапи согласно своите уставни надлежности и да донесе мериторна одлука согласно веќе заземениот став од 2004 година.
„Од Уставниот суд , за конкретниот предмет побарав да постапи согласно своите уставни надлежности и да донесе мериторна одлука ,односно решение согласно веќе заземениот став од 2004 година каде што за исто прашање Уставниот суд во тогашното Решение одлучил дека: ‘Уставно определениот рок за објавувањето не може да се прифати дека е уставна норма со ограничувачка цел во однос на примената на прописите кои се објавени со пролонгирање на рокот и влезени во правниот поредок, бидејќи таа норма е дел од целината на уставните норми за гаранциите на слободите и правата на граѓаните на кои и во ваков случај неспорно им е обезбедено и исполнето гарантираното право на објавување, заради запознавање со законите и другите прописи во правниот поредок’“,
вели Лога.
Според министерот за правда, кој очекува од Уставниот суд во најкус може на рок да постапи согласно воспоставената пракса, „различната јуриспруденција на Уставниот суд за исти прашања доведува до загрозување на правната сигурност и владеење на правото како една од темелните вредности на нашиот уставен поредок“.
Како што може да се протолкува од соопштението, прозивката на Лога упатена од Уставниот суд се однесува времената мерка со која беше суспендирана употребата на Упатството со графата за етничка припадност.
Имено, кога Уставниот суд на 5 јули ја донесе одлуката со која привремено го стави надвор од употреба Упатството на Лога за, како причина за постапката беше наведен пречекорениот рок за потпишување – од потпишување, до објава во „Службен весник“. Министерот за правда го потпишал упатството на 29 мај, а во „Службен весник“ е објавено на 15 јуни.
Неколку дена подоцна следеше реакција од Министерството за правда со информација дека ресорниот министер поднел иницијативи до Уставниот суд за оценување на уставноста и законитоста на други прописи донесени од институции кои не го испочитувале рокот за објава во „Службен весник“.
Лога, 10 иницијативи доставил во име на Министерството за правда и 10 во свое лично име како граѓанин.
Во иницијативите од Министерството за правда е наведено дека во изминатиот период воочена е објава на повеќе прописи за кои постои уставна обврска за објава во ,,Службен весник на Република Северна Македонија”, а кои се објавени во спротивност со членот 52, односно не е почитуван уставниот рок од седум дена за објавување на прописите. Од судот, Лога исто така бара по службена должност да ја испита уставноста на прописите за кои не е почитуван уставниот рок од седум дена за нивно објавување.