Во соопштението на лидерите на Г7 се додава дека тие никогаш нема да ги признаат овие референдуми, кои, како што велат, се чини дека се чекор кон руската анексија. Лидерите ги повикаа сите земји да ги отфрлат овие, како што ги нарекоа, лажни референдуми, кои се обид на Русија да ги прикрие прекршувањата на меѓународното право
Лидерите на земјите од Г7 објавија соопштение во кое ги осудуваат таканаречените референдуми во Русија во четирите украински региони, кои се делумно контролирани од Москва.
„Овие акции јасно ја прекршуваат Повелбата на Обединетите нации и меѓународното право и се дијаметрално спротивни на владеењето на правото меѓу народите. Овие референдуми во областите кои беа насилно ставени под привремена контрола на Русија на ниту еден начин не претставуваат легитимна изразување на волјата на украинскиот народ, кој постојано се спротивставуваше на руските обиди да ги смени границите со сила“.
се вели во соопштението.
Во соопштението на лидерите на Г7 се додава дека тие никогаш нема да ги признаат овие референдуми, кои, како што велат, се чини дека се чекор кон руската анексија. Лидерите ги повикаа сите земји да ги отфрлат овие, како што ги нарекоа, лажни референдуми, кои се обид на Русија да ги прикрие прекршувањата на меѓународното право.
„Подготвени сме да воведеме дополнителни економски санкции врз Русија и врз поединци и субјекти – внатре и надвор од Русија – кои обезбедуваат политичка или економска поддршка на незаконските напори на Русија да го промени статусот на украинската територија“.
се вели во соопштението.
Оваа акција од Русија се смета за нелегална според меѓународното право и е осудена од Украина, Западот и Обединетите нации.