Во меѓувреме, свое обраќање во однос на нападите кон Украина имаше и самиот Владимир Путин, кој истакна дека „Украина не им оставила друга опција, освен воено да интервенираат“
Лидерите на Г7 одржаа виртуелен состанок поради состојбата со Украина и остро ги осудија воените дејствија на Русија предводена од Владимир Путин.
„Путин застана на погрешната страна на историјата. Ние сме обединети со нашите партнери, вклучително НАТО, ЕУ, нивните членки и Украина, и остануваме решени да го направиме она што е неопходно за да го зачуваме интегритетот на меѓународниот поредок заснован на правила“,
се вели во соопштението.
На средбата која траела нешто пшовеќе од еден час присуствувале американскиот претседател Џо Бајден, германскиот канцелар Олаф Шолц, канадскиот премиер Џастин Трудо, францускиот претседател Емануел Макрон, италијанскиот премиер Марио Драги, јапонскиот премиер Кишида Фумио, британскиот премиер Министерот Борис Џонсон Претседателката на ЕК Урсула фон дер Лајен, претседателот на Европскиот совет Шарл Мишел и генералниот секретар на НАТО Јенс Столтенберг.
Вечерва се очекува и вонреден самит на ЕУ во Брисел, каде ќе се разговара за воведување санкции кон Русија.
Во меѓувреме, свое обраќање во однос на нападите кон Украина имаше и самиот Владимир Путин, кој истакна дека „Украина не им оставила друга опција, освен воено да интервенираат“.