Судирот на вселенското летало „Дарт“ во астероидот Диморфос, кој воедно не претставува закана за Земјата, е експеримент кој треба да утврди дали со прецизен удар на астероидот е можно да се пренасочи неговото движење, во случај тој да претставува опасност за планетата
Вселенско летало на НАСА именувано како „Дарт“ утре намерно ќе удри во астероидот Диморфос со цел да се обиде да го промени неговиот правец на движење.
НАСА посочува дека астероидот Диморфос не претставува закана за Земјата, а судирот со вселенското летало „Дарт“ (DART-Double Аsteroid Redirection Test – „Тест за двојно пренасочување на астероидот“) е експеримент кој треба да утврди дали со прецизен удар на астероидот е можно да се пренасочи неговото движење, во случај тој да претставува опасност за планетата.
„Ова е можност да се тестира отклонувањето на астероидот – техника на кинетичко влијание – и да се провери дали тоа е изводлив начин да се заштити нашата планета ако астероид кој би можел да се удри со Земјата биде откриен во иднина“,
посочуваат од НАСА.
On Monday, Sept. 26, the #DARTMission will intentionally crash into a non-hazardous asteroid to try to change its orbit. Watch the action live as this #PlanetaryDefense test takes place.
— NASA Asteroid Watch (@AsteroidWatch) September 21, 2022
Plan a watch party: https://t.co/xhscr83u4d
Watch live at 6pm ET: https://t.co/ny3onzx0Na pic.twitter.com/ncgLpH6nD9
Оттаму додаваат дека овој тест ќе покаже дека вселенското летало (Дарт) може самостојно да се движи до целниот астероид и намерно да се судри со него за да го промени неговото движење на начин што може да се измери со помош на телескопи од Земјата.
„Дарт ќе обезбеди важни податоци за да помогне подобро да се подготвиме за астероид кој може да претставува опасност од удар на Земјата, доколку некој некогаш биде откриен“,
истакнуваат од НАСА.
Ако се биде во ред, тоа ќе биде спектакуларен судир со астероид кој, за жал, нема да можеме да го следиме со висока дефиниција, бидејќи вселенското летало Дарт ќе удри во астероидот Диморфос на оддалеченост од 11 милиони километри од Земјата.