Извршниот директор на Интер, Џузепе Марота ги демантираше шпекулациите дека 29-годишниот Кристијан Ериксен имал ковид или дека пред скоро време бил вакциниран
Неговите соиграчи од репрезентацијата и од клубот Интер велат дека состојбата на Ериксен е добра
Потресните сцени на стадионот Паркен во Копенхаген кога данскиот репрезентативец Кристијан Ериксен колабира ја шокираа планетата, а лекарот на данската репрезентација подоцна раскажа што се случувало тие десетина минути.
„Кога дојдовме до него, тој беше на свртен на страна и дишеше. Го проверивме неговиот пулс и тој имаше. Но, одеднаш веќе не можеше да се чувствува неговиот пулс. Веднаш почнавме да го реанимираме. За среќа, тој продолжи да дише“,
изјави докторот на репрезентацијата за данските медиуми.
На крајот трагедијата беше избегната, откако по половина час борба за живот, Ерискен беше пренесен во болница во свесна состојба.
Натпреварот беше прекинат и продолжи речиси два часа подоцна, на барање на фудбалерите од обете репрезентации, откако информациите за здравствената состојба на Ериксен беа позитивни.
Извршниот директор на Интер, Џузепе Марота ги демантираше шпекулациите кои се појавија околу тоа што би можело да биде причина за она што му се случи на 29-годишниот фудбалер на Интер, меѓу кои дека имал ковид, дека пред скоро време примил вакцина…
„Ериксен немаше ковид, ниту беше вакциниран“,
вели Марота.
Тој кажа дека Кристенсен дури им испратил порака до заедничката чет група за разговор.
“Football is a beautiful game and Christian plays it beautifully,” says UEFA President Aleksander Čeferin.
— UEFA EURO 2020 (@EURO2020) June 12, 2021
Tonight’s Star of the Match is Christian Eriksen. Wishing you a speedy recovery, Christian. #EURO2020 pic.twitter.com/gJPa7P2nAx
Додека бил играч на Тотенхем, за здравјето на Кристенсенсе грижел д-р Санџај Шарма, професор на Универзитетот Сент Џорџ.
„Си помислив, има ли нешто што не сме забележале? Но, тогаш ги погледнав сите резултати од тестовите и сè изгледаше совршено“,
истакна Шарма, зборувајќи за неговата реакција на сцените од Копенхаген.
Тој раскажа дека резултатите на Кристенсен до 2019 година биле сосема нормални, без очигледни срцеви мани, за што, како што вели, може да гарантира врз основа на спроведените тестови.
Данска изгуби, победи животот
Данска загуби од Финска со 1: 0 по продолжението на натпреварот, но резултатот остана во сенка на она што му се случи на Ериксен.
„Играчите не можеа да замислат дека треба да спијат вечерта. Беше полесно да се излезе и беше најдобро да се заврши тоа. Беше тешка ноќ. Не можев да бидам повеќе горд на оние луѓе кои толку добро се грижеа едни за други. Начинот на кој играчите разговараа во соблекувалната за да одлучат да не прават ништо пред да знаеме дека Кристијан е свесен и е добро. Се обидовме да победиме. Неверојатно беше тоа што успеаја да излезат и да се обидат да го одиграат второто полувреме. Искрено, имаше играчи таму кои беа целосно емоционално исцрпени. Тоа беше трауматично искуство. Некои од нив не беа во можност да играат, некои беа подготвени. Едноставно се обидовме да дадеме се од себе, но не можете да играте фудбалски натпревар на ова ниво. Не е нормално да играте ваква игра кога некој од вашите пријатели се бори за живот“,
изјави селекторот на Данска, Каспер Хјулманд.
Како што напиша и еден дански весник, Данска изгуби, но животот победи.