Освен тоа, според последната владина одлука, профитната маржа на другите основни прехранбени производи се намалува од 5 на 4 проценти во трговијата на големо и од 10 на 3 процени во трговијата на мало
Од одлуката се изземени пченицата, овошјето, зеленчукот и солта. Пченицата е изземена заради тоа што таа ќе се увезува од Србија, со што ќе има континуирано снабдување и испорака на пченица во договорените количества што ги имаат трговците, а овошјето и зеленчукот не се опфатени затоа што се очекува со новата пратка од Турција да поевтинат овие прехранбени продукти
Лебот, маслото за јадење и брашното тип 400 од денеска ќе се продаваат по набавна цена во маркетите односно без профитна маржа, а за другите основни прехранбени производи маржата се намалува од 5 на 4 проценти во трговијата на големо и од 10 на 3 процени во трговијата на мало, информираше денеска министерот за економија Крешник Бектеши.
Со последната Одлука која по предлог на Министерството за економија ја усвои Владата на вчерашната седница е предвидена профитна маржа за продажба на големо од 4 отсто а за продажба на мало од 3 отсто на следните производи:
Леб бел и полубел (цел и сечен на парчиња); сончогледово масло за јадење (без ладно цедено масло); брашно од пченица – тип 400; шеќер бел конзумен; трајно кравјо млеко со масленост од 2,8%, 3,2% и 3,5%; свежо месо; сувомеснати производи – Салама (посебна и паризер од свинско, пилешко и говедско), виршли (пилешки, свински, јунешки) и колбаси (пилешки, свински и говедски) со додатоци во нив; сирење бело кравјо и сирење бело мешано кравјо и овчо; урда кравја; македонски ориз бел; јајца од кокошка; шпагети и макарони од мека и друга пченица.
Одлуката за посебни услови за трговијата на одделни стоки веќе е објавена во Службен весник и ќе важи до 31 мај, а намалувањето на маржите, како што денеска изјави Бектеши, е направено во договор со најголемите синџири на супермаркети и најголемите трговци на овие основни прехранбени производи.
„На ваков начин, Министерството за економија во соработка со стопанските комори и со трговците се обидуваме и правиме напори да биде помал притисокот врз зголемување на цените и на таков начин да го заштитиме стандардот на граѓаните“,
рече Бектеши.
Од одлуката се изземени пченицата, овошјето, зеленчукот и солта. Пченицата е изземена заради тоа што таа ќе се увезува од Србија, со што ќе има континуирано снабдување и испорака на пченица во договорените количества што ги имаат трговците, а овошјето и зеленчукот не се опфатени затоа што се очекува со новата пратка од Турција да поевтинат овие прехранбени продукти.