Претходно, генералниот секретар на ОН, Антонио Гутереш, ја осуди Русија за ескалацијата во украинскиот конфликт и изјави дека одлуката на Русија да ја признае независноста на украинските сепаратистички територии Донецк и Луганск ја смета за „кршење на територијалниот интегритет и суверенитет на Украина“
Русија упати остри критики за изјавите на генералниот секретар на Обединетите нации, Антонио Гутереш, за ситуацијата во Источна Украина, со образложение оти тој требало да биде неутрален во своите искази и да се залага за директен дијалог меѓу конфликтните држави.
„На наше големо жалење, Гутереш потклекна на притисокот од Западот и даде неколку изјави за настаните во Источна Украина кои не одговараат на неговиот статус и овластувања според Повелбата на ОН“,
изјави денеска рускиот министер за надворешни работи Сергеј Лавров.
Гутереш мора да одржува неутралност и „е должен секогаш да се залага за директен дијалог меѓу конфликтните држави“, рече Лавров.
Претходно, генералниот секретар на ОН, Антонио Гутереш, ја осуди Русија за ескалацијата во украинскиот конфликт и изјави дека одлуката на Русија да ја признае независноста на украинските сепаратистички територии Донецк и Луганск ја смета за „кршење на територијалниот интегритет и суверенитет на Украина“.