Курти за „Ал Џезира“ изјави дека илегални структури кои функционираат од 1999 година се претворени во криминални банди и нивната агресивност доаѓа од паниката бидејќи законот и редот никогаш не биле посилни на Косово
Косовскиот премиер Албин Курти во интервју за „Ал Џезира“ зборуваше и за состојбата на северот на Република Косово по отстранувањето на барикадите. На прашањето дали кризата завршила, Курти рече дека таа не може да заврши сè додека Косово и Србија имаат ненормални односи.
„Кризата не е завршена, Косово и Србија имаат ненормални односи. Ни треба договор за целосна нормализација на односите со взаемно признавање во центарот. Ние не ја признаваме Србија, Србија не го признава Косово, потребно ни е меѓусебно признавање“
рече Курти.
Прашан дали ѝ дал гаранција на Србија дека нема да се апсат Србите или дека нема да испраќаат сили на северот на Република Косово, Курти додал дека не може да дава ветувања и гаранции на криминалци кои имаат налози за апсење и кои се на црната листа на САД и Велика Британија.
„Единствената гаранција што ја даваме како демократска влада е еднаквоста за сите граѓани. Уставност во сите општини, на целата територија. Економски раст и социјална благосостојба што не исклучува никого. Демократски ветувања и гаранции. Не давам ветувања и гаранции на криминалци кои имаат налог за апсење или кои се на црната листа на САД и Велика Британија“
вели Курти.
Курти за „Ал Џезира“ изјави дека илегалните структури кои функционираат од 1999 година се претворени во криминални банди и нивната агресивност доаѓа од паниката бидејќи законот и редот никогаш не биле посилни на Косово.