Полицијата во Прилеп и Куманово поднесе кривични пријави против неколку лица за непочитување на мерките за превенција од коронавирусот, бидејќи иако се вратиле во земјава од ризични подрачја не останале во домашна изолација.
СВР Прилеп гони четири лица за „непостапување според здравствените прописи за време на епидемија“ од член 206 став 1 од Кривичниот законик.
По истиот член кривични пријави поднесе и СВР Куманово против две лица кои се вратиле од Италија и Австрија и кои потпишале изјави за задолжителна самоизолација, но при контролите од полицијата не биле пронајдени дома.
За непостапување според здравствените прописи за време на епидемија и СВР Битола поднесе кривични пријави против пет лица. Според обвинителството тие иако требало да се во самоизолација бидејќи се вратиле од Италија, сепак не останале дома и биле затекнати на улица каде физички се пресметувале со соседите. По предлог на обвинителството, Судот во Битола наложи обвинетите да бидат казнети со по 2 000 евра.
Поврзана вест:
Казни од 2 000 евра за битолчани кои наместо во изолација – се тепале на улица со соседите