Триесет и петгодишно лице Н.С. од Делчево е повиканo во полиција поради сомнение за давање поткуп за локалните избори, односно сторено кривично дело по член 162 од КЗ „поткуп при избори и гласање“.
Во полиција е свикан и К.С. (35) кој примил 3.000 денари од Н.С. во замена за глас на утрешните избори.
Како што информира портпаролот на СВР-Штип, Гордана Панајотова, известено е Основното јавно обвинителство во Делчево и по насоки од јавен обвинител извршен е разговор со повеќе лица.
Паричните средства во висина од 3.000 денари се одземени. По комплетирање на службената документација од страна на ОВР Делчево ќе биде поднесена кривична пријава до ОЈО Делчево по чл.162 ст.1 и 2 вв ст.3 од КЗ.
Ова е втор случај на поткуп на гласачи во источниот регион, на територија на СВР-Штип. Првиот беше во општината Лозово.