Од земјите во регионот, Грција во последното деноноќие регистрираше најмногу нови случаи на ковид, а најмалку се регистрирани во Словенија.
Во изминатите 24 часа во Грција се регистрирани 150 нови случаи ковид-19, а починаа двајца, со што бројот на заразени се зголеми на 7 222 лица, а на починати на 230 лица.
Во Косово во изминатите 24 часа се евидентирани девет нови починати лица кај кои било потврдено присуството на новиот коронавирус. Со ова, бројот на жртви на епидемијата на ковид-19 се искачи на 410. Во истиот период се регистрирани и 129 нови случаи на заразени (вкупно 11 545 од појавата на епидемијата) и 152 излекувани, со што бројката на лица кои ја пребродиле болеста достигна до 7 343. Активни случаи во земјата се 3 792. Вчера се извршени 449, а од појавата на заразата вкупно 44 433 тестирања.
Во Албанија нови 119 случаи на заразени со ковид-19, 22 оздравени и две починати во последното деноноќие.
Во изминатите 24 часа во Црна Гора регистрирани се 50 новозаболени лица со што вкупниот број на инфицирани со ковид-19 се искачи на 4 085. Регистрирани се и три смртни случаи, а 76 пациенти оздравеле.
Во Србија во изминатото деноноќие регистрирани се сто новозаболени лица со Ковид-19 и три смртни случаи. Тестирани се 7 352 луѓе, а вкупно од почетокот на епидемијата се тестирале 811 920 лица.
Во Хрватска во изминатите 24 часа регистрирани се 85 нови случаи, со што бројот на активни случаи се искачи на 1 236. од 25 февруари, кога е забележан првиот случај на зараза во земјата до денеска регистрирани се 6 656 лица, од кои 5 254 луѓе оздравеле, а починале 166 лица.
Во Словенија потврдени се 13 нови случаи на ковид-19, со што вкупниот број се искачи на 2 429 луѓе, од кои 248 се се уште активни.
Во Бугарија во изминатите 24 часа пријавени се 32 новозаболени лица, а тројца починаа. Од почетокот на пандемијата се инфицирале 14 365 луѓе, а починале 498 лица.