Министерството за здравство информира дека во последните 24 часа се направени 702 тестирања, а регистрирани се 127 нови случаи на ковид-19 во: Скопје – 67, Куманово – 1, Дебар – 1, Штип – 33, Тетово – 10, Струга – 5, Охрид – 6, Кочани – 2, Пробиштип – 2.
Денеска Институтот за јавно здравје регистрира 7 оздравени пациенти, во: Скопје – 4, Тетово – 2, Гостивар – 1. Починати се 3 лица.
На Клиниката за инфективни болести и фебрилни состојби починаа тројца пациенти. Станува збор за еден пациент од Куманово на 70 години, хоспитализиран на 4 јуни и двајца од Скопје, пациент на возраст од 62 години, хоспитализиран од 5 јуни и пациент на возраст од 78 години, хоспитализиран на 2 јуни.
Вкупната бројка на дијагностицирани со ковид во нашата земја од почетокот на епидемијата изнесува 3 152, бројката на оздравени пациенти е 1 653, а на починати е 156. Во моментов бројот на активни случаи во земјата изнесува 1 343. По завршени епидемиолошки анкети, еден од позитивните случаи вчера регистриран во Куманово е од Скопје. Согласно тоа последната дистрибуција по градови е следна:
• Скопје 1332, активни 720
• Куманово 556, активни 139
• Дебар 53, активни 2
• Штип 207, активни 169
• Прилеп 218, активни 27
• Тетово 291, активни 127
• Струга 103, активни 30
• Велес 144, активни 30
• Битола 30, активни 3
• Охрид 37, активни 20
• Кавадарци 6, активни 1
• Гостивар 50, активни 28
• Гевгелија 6, активни 2
• Струмица 5, активни 2
• Крива Паланка 7, активни 1
• Радовиш 4, активни 0
• Крушево 3, активни 0
• Кочани 53, активни 22
• Пробиштип 7, активни 5
• Демир Хисар 1, активни 0
• Македонски Брод 2, активни 0
• Пехчево 3, активни 0
• Берово 2, активни 1
• Валандово 3, активни 2
• Виница 3, активни 1
• Делчево 1, активни 0
• Кратово 3, активни 1
• Свети Николе 3, активни 2
• Кичево 3, активни 1
• Неготино 16, активни 7 (*9 лица од ПЕ Неготино се жители на Демир Капија)
Направените 702 теста се преку: ИЈЗ – 440 , ЦЈЗ Скопје – 24 , Авицена – 0, Биотек – 0, Жан Митрев (Филип Втори) – 91 , Систина со PCR-метода – 66 и МАНУ – 81 . Досега во земјата се направени вкупно 37027 тестирања на ковид-19.
Од вкупниот број направени тестови во изминатото деноноќие 28 теста се во рамките на скринингот во градинки во Кочани, нема позитивни на ковид-19.
На Инфективната клиника во изминативе 24 часа примени се 12 нови, а вкупно хоспитализирани 71 пациент. На кислородна поддршка се 39 пациенти, нема пациенти на механичка вентилација.
До утрово, во ГОБ „8 Септември“ примени се 10 нови, а вкупно хоспитализирани 42 пациенти. На респираторна машина се 8, a со потешка клиничка слика се уште 7 пациенти.
Во болницата во Битола се хоспитализирани 13 пациенти, а на домашно лекување преку болницата се следат 2 пациенти. Во болницата во Штип се хоспитализирани 24 пациенти. На инфективните одделенија во Тетово, Охрид, Велес, Куманово и Прилеп се хоспитализирани 39 пациенти – позитивни и сомнителни на ковид-19.
По општини активни случаи во Скопје заклучно со вчера:
• Чаир – 168
• Центар – 64
• Бутел – 63
• Гази Баба – 58
• Аеродром – 57
• Сарај – 55
• Карпош – 45
• Кисела Вода – 35
• Арачиново – 23
• Студеничани – 19
• Илинден – 18
• Ѓорче Петров – 18
• Шуто Оризари – 17
• Петровец – 6
• Чучер Сандево – 3
• Сопиште – 2
• Странец – 2
Поради зголемениот број на нови случаи со ковид-19 изминатиот период, од утрово заседаваше Комисијата за зарази болести. Во јавноста веќе излегоа неофицијални информации дека се предлага враќање на полицискиот час во најкритичните градови, како Скопје, Штип, Куманово и Тетово. Тој, неофицијално, би бил пократок од 22 до 5 часот.
Меѓутоа, досега нема потврда дали ова е и официјалниот предлог кој комисијата ќе го испрати до Владата.
Владата во 15 часот, пак, закажа седница на која ќе се одлучува за евентуалното воведување на вакви мерки, а за 16 часот е најавена и прес-конференција на министерот Венко Филипче, претседателот на Комисијата за заразни болести, прим. д-р Жарко Караџовски и директорот на Центарот за јавно здравје – Скопје, д-р Арбен Зибери.