Во телефонскиот разговор станало збор и за неодамнешната посета на бугарскиот премиер Кирил Петков на Скопје, која, како што се наведува во соопштението, заеднички ја оценија како позитивен чекор во надминување на разликите, и го поздравија фокусот во проекти и активности кои се важни за иднината
Премиерот Димитар Ковачевски попладневно телефонски разговараше со претседателката на Европската Комисија, Урсула фон дер Лајен којашто му го честиташе изборот за претседател на Владата и му посака плодна и успешна работа.
„Премиерот Ковачевски се заблагодари на честитката, и на поддршката и ја извести претседателката Лајен дека европските интеграции остануваат еден од врвните приоритети на новата Влада. Исто така тој ја запозна претседателката на ЕК со активностите на Владата во периодот што следи, мерките и политиките што се преземаат во правец на надминување на енергетската криза, како и економските мерки на Владата“,
соопшти владината прес-служба.
Во телефонскиот разговор станало збор и за неодамнешната посета на бугарскиот премиер Кирил Петков на Скопје, која, како што се наведува во соопштението, заеднички ја оценија како позитивен чекор во надминување на разликите, и го поздравија фокусот во проекти и активности кои се важни за иднината.
„Премиерот Ковачевски ги реафирмираше уште еднаш македонските позиции, за македонскиот јазик и идентитет. Претседателката на ЕК Лајен го поздрави воспоставениот дијалог на ниво на премиери меѓу двете земји, и истакна дека Брисел силно го поддржува овој процес и дека таа лично, но и целата Комисија се спремни да помогнат со цел што побрзо оддржување на првата меѓувладина конференција со Република Северна Македонија“,
се вели во соопштението.
Договориена е и директна меѓусебна средба во Брисел.