Денешната средба следи по работната вечера на Ковачевски во понеделникот со претседателите и други високи претставници на парламентарните партии со кои СДСМ заедно настапи на последните парламентарни избори и кои се дел од владината коалиција
Премиерот Димитар Ковачевски одржа работна вечера со претседателите и други високи претставници на вонпарламентарните партии, кои се дел од коалицијата предводена од СДСМ. Како што информираше премиерот на својата Фејсбук страница, на средбата се разговарало за реализација на владината програма, како и за мерките и политиките за поддршка на граѓаните во време на светска економска и енергетска криза.
„Оваа средба, која е дел од низата средби со коалициските партнери на СДСМ, ја искористивме и да поразговараме за заедничките активности кои ги планираме за оваа година и за европската иднина на државата која е наш заеднички приоритет“,
објави Ковачевски.
Денешната средба следи по работната вечера на Ковачевски во понеделникот со претседателите и други високи претставници на парламентарните партии со кои СДСМ заедно настапи на последните парламентарни избори и кои се дел од владината коалиција, на која се разговарало за справувањето со последиците на енергетско-економската криза, спроведувањето на владината програма, реформите за европскиот пат и чекорите за обезбедување европска иднина на државата.
„Во пријатна атмосфера разговаравме за активностите во претстојната 2023 година, за мерките и политиките на Владата за справување со глобалната енергетска криза, економскиот развој и енергетската транзиција, за имплементација на владината програмата, реформите за европскиот пат и чекорите за обезбедување европска иднината на државата“, напиша Ковачевски во понеделникот на Фејсбук.
Претходно, истиот ден, во седиштето на СДСМ, средба со претставниците на коалициските партнери одржа и генералниот секретар на СДСМ, Миле Зечевиќ.