Ковачевски најави средба со сите политички партии за распределба на ресорите во техничката влада, но без присуство на медиуми

Тој е уверен дека сите носители на листи од ВМРО-ДПМНЕ, меѓу кои се шпекулира дека се Христијан Мицкоски, Владо Мисајловски, Драган Ковачки итн., ќе бидат поразени

Ќе има средба меѓу лидерите на СДСМ и ВМРО-ДПМНЕ, Димитар Ковачевски и Христијан Мицкоски, но не пред очите на јавноста, соопшти денеска премиерот Димитар Ковачевски на увид на регионалниот пат  Битола-Меџитлија, чија рехабилитација заврши и патот е пуштен во употреба.

На прашањето дали ќе го покани Мицкоски на договори за техничката влада, Ковачевски одговори дека техничката влада е законска одредба и дека има комуникација меѓу сите политички партии во парламентот.

„Законска одредба е техничката влада. Немојте да сметате дека нема комуникација меѓу сите партии. Откако партиските органи ќе заседаваат, ќе има средба која нема да биде најавена преку медиуми, туку ќе има нормален разговор за реализација на тоа што е определено согласно Законот, односно распределба на ресорите во техничката влада, изгласувањето на таа Влада во Собрание и подготовка за избори“,

кажа премиерот.

Тој е уверен дека сите носители на листи од ВМРО-ДПМНЕ, меѓу кои се шпекулира дека се Христијан Мицкоски, Владо Мисајловски, Драган Ковачки итн., ќе бидат поразени.

„СДСМ ќе има кандидати кои ќе ги победат сите кандидати што ги набројавте“,

додаде Ковачевски.

Во однос на празното место во ДИК, премиерот рече дека составот е регулиран согласно закон.

„Парламентот и Комисија за прашања на изборите и именувањата треба да постапи согласно закон и да го комплетира составот на ДИК“,

одговори Ковачевски.

Ковачевски вели дека ВМРО-ДПМНЕ не треба да бара изговори, туку да ги исполни обврските и да биде дел од техничката влада

Ниту ВМРО-ДПМНЕ сè уште ги нема официјално соопштено кандидатите иако во јавноста веќе кружат некои имиња.

Лидерите на СДСМ и ВМРО-ДПМНЕ наскоро на средба за техничката влада, Ковачевски вели дека таа нема да е помпезна како што знаат да бидат

Лидерите на парламентарните партии на почетокот на месецот постигнаа договор за датумите за претседателските и парламентарните избори кои треба да се одржат идната година. Првиот круг од трката за шеф на државата ќе се одржи на 24 април, а вториот круг ќе биде заедно со парламентарните избори на 8 мај. И 24 април и 8 мај 2024 г. се ден среда.

Постигнат договор за изборите: На 24 април претседателски, а на 8 мај парламентарни со втор круг претседателски

Премиерот Ковачевски, по средбата, рече дека согласно законот техничка влада, односно пржинска влада, ќе има од 28 јануари и законската обврска која тој како премиер ја има ќе се исполни.