Од денеска почнува постапката за организирање на внатрепартиските избори во СДСМ и ќе трае една недела, период во кој, ќе може да се кандидира секој што ги исполнува условите пропишани со партискиот Статут.
Актуелниот заменик-министер за финансии и член на Извршниот одбор на СДСМ, Димитар Ковачевски, најавува кандидатура за нов прв човек на СДСМ. Во изјава за „Фокус“, Ковачевски вели дека во рок од седум дена, ќе подготви програма и ќе ја поднесе кандидатурата во партијата.
„СДСМ е партија со најголем кадровски потенцијал и има поголем број истактани членови кои би биле одлични кандидати. Постапката е демократска и секој што ги исполнува условите може да се кандидира. Она што е најважно, сите треба да се обединиме околу избраниот претседател“,
вели Ковачевски во изјава за „Фокус“.
Одлуката за одржување на вторите внатрепартиски избори на 12 декември за нов лидер на СДСМ, вечра вечер ја донесе Централниот одбор на партијата, по констатираната оставка на Зоран Заев од лидерската позиција.