Му посакуваме на Мицкоски побрзо да оздрави и да закрепне, и здрав и прав да дојде на конгресот и да даде отчет пред делегатите за тоа што го сработил последните четири години, напиша попладнево на својот Фејсбук профил, поранешниот градоначалник на Општина Аеродром, Ивица Коневски кој е дел од Иницијативниот одбор за свикување вонреден конгрес на ВМРО-ДПМНЕ.
„Вонредниот конгрес ќе биде за Мицкоски да даде отчет пред луѓето кои го донесоа на чело на ВМРО-ДПМНЕ и му ја дадоа довербата во Валандово..“,
вели Коневски.
Иницијативниот одбор за свикување вонреден конгрес на ВМРО-ДПМНЕ закажа одржување конгрес на 28 март во Скопје, со образложение дека Мицкоски нема капацитет и не ужива доверба меѓу членовите на партијата и граѓаните и дека ќе му донесе уште еден пораз на ВМРО-ДПМНЕ на претстојните локални избори.
Неколку часа подоцна, Централниот комитет на ВМРО-ДПМНЕ донесе одлука за редовен конгрес во ноември.