Од Иницијативниот одобро најавија дека од актуелниот лидер на ВМРО-ДПМНЕ ќе бараат одговори: дали ја обединил партијата, дали и го вратил меѓународниот углед и дали обезбедил победа на парламентарните и претседателските избори како што ветил пред 3 години
Вонредниот конгрес ќе се одржи под слоганот „Сплотени во победа“
Дали Мицкоски го исполни ветувањето за обединување на партијата, дали ја врати партијата на победничките патетки, дали и го врати угледот кај меѓународната заедница, дали ги зголеми коалицискиот капацитет како што вети во Валандово.
Ова се прашањата на кои лидерот на ВМРО-ДПМНЕ Христијан Мицкоски треба да одговори на вонредниот конгрес на партијата закажан за 28 март, а кои од него ги бараат сите кои ќе го прифатат повикот на Иницијативниот одбор за вонреден конгрес.
Тие денеска го промовираа слоганот под кој ќе се одржи 17-от вонреден конгрес, кое гласи „Сплотени победуваме“ .
На денешната промоција која симболично се одржа пред Музејот на револуционерната борба (познат како Музеј на ВМРО), од Иницијативниот одбор соопштија дека се собрани голем дел од потребните потиси од делегатите од валандовскиот конгрес, и дека бројката секојдневно се зголемува.
Мицкоски, како што порачаа, на 28 март во Скопје, ќе треба да им даде одговори на 367 –те делегати кои гласаа за него пред три години во Валандово, но и на оние кои не гласаа за него и на кои им вети дека ако не обезбеди победа, ќе си поднесе оставка.
„На ВМРО-ДПМНЕ му треба будење и соочување со грешките и со реалноста. Му треба нова енергија. Нема искрен и чесен член кој не е загрижен за состојбата во партијата и во кој правец се движи. Зошто ги губиме сите избори изминатите години“?,
прашаа денеска јавно од Иницијатвниот одбор.
Тие потсетија на ветувањата на Мицкоски за победа на парламентарните и на претседателските избори, што не е остварено.
„Раководството не убедуваше дека претседател ќе биде жена, иако никој во Силјановска не препозна кандидат на ВМРО-ДПМНЕ. На парламентарните избори не убедуваа дека ќе имаме 10 плус пратеници и наместо победа имаше уште еден пораз, ни ветуваа дека ќе формираат влада, но и тоа беа празни зборови за да се смири членството. Сега се ветувува ново мнозинство, но СДСМ и натаму е на власт, додека државата влегува од една во друга криза“,
порачаа од Иницијативниот одбор денеска.
На конгресот најавија дека ќе се гласа за доверба на лидерот Мицкоски и ако тој не ја добие довербата, ќе се избира нов. Ги повикаа сите заинтересирани да подготват пррограма и најавија дека идниот претседател ќе биде тој кој треба да ја понесе партијата во победа.
Денешната промоција заврши со познатото скандирање на името на партијата од присутните.