Помал застој има на „Дојран“ каде за излез од државата кон Грција се чека околу половина час
Утрово е забележана поголема гужва на граничните премини „Табановце“ со Србија и на „Богородица“ со Грција.
За влез во државата на „Табановце“ се чека околу еден час, а исто толку е времето на чекање и за излез од земјава на преминот „Богородица“.
Застој е забележан и на граничниот премин „Дојран“ кон Грција каде се за излез се чека околу 30 минути.
На останатите гранични премини, од македонска страна, нема подолги задржувања за влез и излез од државата.
Што се однесува до сообраќајот на државните патишта, велат од АМСМ, тој се одвива непречено, по суви коловози и препорачуваат приспособување на брзината на движење, почитување на поставената сообраќајна сигнализација и внимателно возење.