Илјадници семејства останале без егзистенција
Владата на холандскиот премиер Марк Руте колективно поднесе оставка поради извештајот во кој се обвинува за лошо управување со субвенциите за згрижување деца, што доведе илјадници семејства во финансиска пропаст, јави националната телевизија НОС.
Во извештајот се наведува дека министрите, државните службеници, парламентот, па дури и судиите имаат улога во аферата во која илјадници семејства погрешно беа обвинети за даночна измама и мораа да ги вратат парите од субвенции, што многу од нив доведе до незавидна финансиска состојба.
Руте ќе го извести кралот Вилем-Александар за одлуката подоцна денеска и ќе одржи прес-конференција.
Тоа е третпат како кабинетот на Руте паѓа поради афера околу додатоците за згрижување деца, два месеца пред изборите за Долниот дом на парламентот.