Коалицијата Алијанса за Албанците и Алтернатива денеска остварија средби со граѓани од населбата Цетинска, како и тетовските планински села Лисец и Шипковица и ја претставија платформата на коалицијата „Држава за сите“.
На средбата присуствуваше претседателот на Алијанса за Албанците, истовремено и носител на изборната листа на коалицијата Зијадин Села, заедно со министерот за култура и кандидат за пратеник Хисни Исмаили, и кандидатите Аднан Незири, Илире Даути, Халил Снопче, Афан Елези и Мисир Селими.
За време на средбите со граѓаните, кандидатот за пратеник Хисни Исмаили истакна дека Тетово страда поради недостатокот на основните услови, па затоа според него време е да се создадат нови стандарди во здравството, економијата, образованието и така натаму.
Претседателот на Алијансата за Албанците, Зиадин Села, истакна дека сега е време за промени, почнувајќи од законот за фер и соодветна застапеност, економски понуди и економски развој. Претседателот Села, исто така, зборувал и за неправдите направени кон Албанците низ годините кои не се соодветно заштитени во правосудните институции.