Украинските функционери соопштија дека таму се засолнуваат и околу 1 000 цивили
Украинските власти денеска соопштија дека не е постигнат договор за воспоставување на хуманитарен коридор за евакуација на цивили од челичарницата Азовстал во Мариупол, како што беше претходно најавена од Москва.
„Официјално и јавно соопштувам дека денеска, за жал, нема договор во врска со хуманитарен коридор од Азовстал“,
напиша потпретседателката на украинската Влада, Ирина Верешчук на Телеграм.
Русија претходно соопшти дека ќе овозможи евакуација на цивили од Азовстал преку хуманитарни коридори.
Челичарницата Азовстал има лавиринт со подземни канали и е последен бедем на украинскиот отпор во градот Мариупол.
Украинските функционери соопштија дека таму се засолнуваат и околу 1 000 цивили. Тие неколкупати досега ги повикуваа руските сили да им обезбедат безбеден излез.