По вонредна седница за мајмунските сипаници, комисијата за заразни болести порачува дека се уште нема потврдено ниту еден позитивен случај. Резултати од првиот суспектен пациент се чекаат до крајот на неделата, простор за паника нема, порача претседателот на Комисијата за заразни болести Александар Петличковски.
„Ова не е нов ковид, апсолутно нема место за паника, не очекуваме драматичен развој и сериозно ширење на болеста. Не се работи за болест која лесно се пренесува, има простор и за тестирање и за изолирање и лоцирање на контактите. Бидете безбедни“
порача првиот човек на КЗБ, Александар Петличковски.
Тој појасни дека за пренос е неопходен близок контак или интензивен контакт во затворен простор. Лицата кои ќе се сомневаат дека имаат симптоми на мајмунски сипаници треба прво да се обратат кај матичните лекари, кои ќе ја направат првата проценка, па потоа суспектните со амбулантно возило ќе се препраќаат на тестирање.
Петличковски ја потврди информацијата за мигрантот хоспитализиран на Инфективната клиника дека по направеното тестирање се покажало дека лицето е негативно на болеста.
Во однос на првиот сомнителен случај кај кичевецот , се уште не е земен примерок за тестирање, бидејќи пациентот одбил да се тестира.
„Здравјето е колективна и индивудуална одговорност. Ова лице завчера се јавило на доктор и веднаш е поставено сомневање врз однос на клиничката слчика. Понудено е тестирање. Тој не го прифатил тестирањето, по што се известени епидемиолошките служби во Битола и тие веднаш реагирале. Комуникација е воспоставена и со матичната лекарка. Епидемиологот од Битола два пати го посетил пациентот. Разговарано е и со членовите на неговата фамилија и објаснето е дека тестирањето е во интерес на сите, нема што да се крие. Побрзо добивање на резултатот ако е негативен на мајмунски сипаници, ќе го ослободи од сомневањето, ако е позитивен ќе не однесе побрзо да реагираме до контактите кои се евентуално загрозени“
изјави Петличковски.
Петличковски потенцира дека нема законска можност лицето да се присили за тестирање бидејќи ова не е болест со која следи задолжителна изолација, туку има само препорака. Но постои можност да се побара здравствен надзор, објасни портпаролот на комисијата, Злате Мехмедовиќ.
„Здравствен надзор значи дека со помош на ДСЗИ и МВР лицето ќе бидел лоцирано и изолирано , ќе се спроведе тестирањето и ако е позтивен ќе биде спорведено лекувањето. Ова е едно од решенијата кои се многу практични“
изјави Мехмедовиќ.