Основното јавно обвинителство во Скопје бара казна од 15 000 евра за тројца жители кои беа дел од протестот во Сингелиќ за време на полицискиот час.
Тројцата се обвинети за кривичното дело непочитување на здравствените прописи за време на епидемија.
„Обвинетите на 13 април околу 22 часот, во скопско Сингелиќ, биле затекнати надвор од своите домови, без да поседуваат дозвола за движење, со што ја прекршиле Одлуката за забрана и посебен режим за движење на територијата на Република Северна Македонија. Основното јавно обвинителство Скопје на Основниот кривичен суд Скопје му предложи на тројцата обвинети да им изрече парични казни од 100 дневни глоби, а висината на една дневна глоба да биде определена на износ од 50 евра“, соопштија од Обвинителство.
МВР работи на идентификација на останатите лица кои на 13 април протестираа на улиците на Сингелиќ против приведувањето на тројца граѓани за непочитување на полискиот час, меѓу кои беше и член на Советот на Општина Гази Баба од СДСМ.
Од МВР велат откако ќе го документираат целиот настан и ќе бидат поднесени кривични пријави, Основното јавно обвинителство Скопје со приоритет ќе постапи согласно Законот за кривична постапка.
Поврзана вест:
МВР: Причина за протестите во Ченто е приведувањето на 3 лица поради кршење на полицискиот час