Претседателот на Комисијата за заразни болести рече дека анализата покажала дека од 26 мај наваму има исклучително непочитување на мерките за заштита
Бројот на заболени се должи на исклучително непочитување на некои од превентивните мерки од 26 мај наваму, кластерите се познати, со зголемување на бројот на теститирања се зголемува и бројот на позитивни, има голем број асимптоматски случаи и дека вирусот слабее.
Ова накусо е заклучокот од анализата што ја презентираше претседателот на Комисијата за заразни болести Жарко Караџовски.
Според тоа, вкупниот број на заболени од почетокот на епидемијата е 3 152, од кои најмногу во Скопје 1 332, Куманово 556, Тетово 291, Прилеп 218, Штип 210, Веелс 144, Струга 103, Дебар 53, Кочани 52, Гостивар 50, Охрид 37 Битола 30 и Неготино 16.
Караџовски сублимира дека вкупно 97,5 проценти од заразените се во 12 општини, а проблем се првите пет града од листата каде е највисок и процентот на заразени од 4,7 отсто и морталитетот е 4,9 отсто на 100 000 жители.
Според возраста, најмногу страдаат оние над 60 години – 620, потоа мешу 50 и 59 години -586, 544 се на 40-49 години и 568 се од 30 -39 години, или просечна возраст на збаолени од од 44,8 години и највисок процент на заразани на 100 000 жители се на возраст од 50-59 години.
Групирањата од 26 мај наваму ја дигнаа кривата
Караџовски рече дека зголемувањето на заразени се случува од 26 мај наваму и тоа го поврза со исклучително непочитување на мерките за заштита, како носење маски, растојание и избегнување на групирање, поради како што ифтарските вечери во тој период и верскиот празник Рамазан Бајрам.
„Последен пат тука бев на прес-конференција на 26 мај. На 25 мај бројката беше 16 случаи. На 3 и 4 мај бројките беа 5 и 8 случаи, а на 25 мај беа 16, поради што препорачавме олабавување на мерките и го ослободивме населението од рестрикциите.После 26 мај имаме зголемување согласно епидемиолошките анкети се должи на тотално непочитување на превентивните мерки кои ги дадовме како препораки, а тоа се маски, спречување на групирање повеќе од 2 лица поради верскиот празник Рамазан Бајрам и ифтарските вечери во тој период“,
рече Караџовски.
Но Караџовски тука потенцира дека бројките не се должат на самиот ден на празникот, туку на до две недели назад.
„Бројките на заразени од 52, 62, 89 и 100 дневно не се на денот на Рамазан Бајрам туку деновите наназад. Инкубацијата не е на самиот ден на празникот, туку во просек 5 до 7 дена пред да се појави заразата, кога имавме непочитување на овие мерки“,
рече Караџовски.
Тој направи споредба на изминатите две недели и периодот во април, при што рече дека кривата всушност би се поклопила.
„Кривата се зголемува и паѓа, па имаме 31 на 100 илјади на 16 април. Од 20 мај до 2 јуни се вративме на овој број, што не е за пофалба. Дојдовме до состојба кога цела Европа ги попушта мерките, очекуцвајќи дека ќе се почитуваат, но крајно сум разочаран“,
рече Караџовски.
Поголем број тестови-повеќе позитивни
Според ИЈЗ процентот на позитивни сега изнесува од 10 до 13 проценти во спордба со 5,1 % во мај. Претседателот на Комисијата за заразни болести истакна дека стратегијата на тетирање не е променета, освен дека сега се прават повеќе тестирања од над 1 000 дневно во приватни и други државни лаборатории. Тоа според Караџовски покажало дека што повеќе се тестираат има и поголем број позитивни. Во изминатите 7 дена се прават двапати повеќе тестирања од претходно.
Според него како се зголемувал бројот на кластери така се зголемувала и потребата од тестирање во конкретни региони (текстилни фабрики, семејства, асимптоматски случаи). Тој рече дека на ниво на државата 60 отсто се од познати кластери, додека во Скопје се повеќе.
„Кластер се луѓе од една фамилијаили еден двор, со исто презиме, со респираторен контакт. Тоа значи дека имаме од 2 до 20 случаи во еден кластер“,
појасни Караџовски.
Караџовски врз основа на податоците рече дека се намалува бројот на хопитализирани и на лица на респиратор, што укажува дека вирусот слабее.
„Ако се погледне дијаграмот, во последните недели ќе забележиме дека имаме во просек по 7 асимптоматски случаи, по 2,5 хоспитализирани и по едни лице на респиратор дневно, а во послендите три дена ниту едно“,
рече Караџовски.
