Јужна Африка одлучи да не ја почне планираната имунизација со вакцината против ковид-19 развиена, од Универзитетот Оксфорд и „Астра Земена“, бидејќи една студија имала „разочарувачки“ резултати против новиот, јужноафрикански сој на коронавирусот, јавува Би-би-си.
Со тој сој, според научниците, заразени се 90 проценти од новите случаи во Јужна Африка.
Студијата која имала разочарувачки резултати опфатила 2 000 лица и покажала дека вакцината нуди само минимална заштита од благи и умерени случаи со ковид-19.
„За жал, вакцината на ’Астра Зенека‘ не функционира доволно против лесна и умерена варијанта на болеста“,
рекол професорот Шабир Мади, кој го предводен истражувањето.
Поради ова, денеска ќе се одржи панел дебата во организација на Светската здравствена организација (СЗО).
Јужноафриканската Република доби 1 милион дози од вакцината на „Астра Зенека“, а требаше да почне со вакцинација следната недела.
Министерот за здравство на Јужна Африка најави дека ќе се почека со употребата на оваа вакцина, а во меѓувреме властите во наредните недели планираат да користење на вакцините од „Џонсон и Џонсон“ и „Фајзер“.
Првичните испитувања на вакцините на „Фајзер“ и „Модерна“, пак, покажуваат дека тие штитат од новите варијанти.