САД го покренаа дипломатскиот бојкот на ЗОИ поради загриженост за човековите права во Кина, а кон бојкотот се приклучија и Австралија, Велика Британија и Канада
Јапонската влада нема да испрати своја делегација на министри на Зимските олимписки игри (ЗОИ) во Пекинг, но тројца лидери на Олимпискиот комитет ќе присуствуваат на натпреварот, како мешовит одговор на дипломатскиот бојкот кој го покренаа САД поради прашањето за човековите права, пренесува српската Н1.
„Не планираме да праќаме владина делегација“,
рече главниот секретар на јапонскиот владин кабинет, Хироказу Макуно.
Тој додаде дека на натпреварот во Пекинг ќе присуствува претседатеката на Организациониот комитет на Олимписките игри во Токио, претседателот на Олимпискиот комитет и претседателот на Параолимпискиот комитет.
Прашан дали е тоа дипломатски бојкот, Макуно одговори: „Не користиме одреден термин за да опишеме како ќе присуствуваме“.
„Јапонија се надева дека Зимските олимписки игри во Пекинг ќе бидат одржани како фестивал на мирот во духот на Олимписките и Параолимписките игри“,
рече Макуно.
САД го покренаа дипломатскиот бојкот на ЗОИ поради загриженост за човековите права во Кина, а кон бојкотот се приклучија и Австралија, Велика Британија и Канада.
Кина, пак, ги критикуваше САД и другите земји поради кршење на политичката неутралност која се очекува во духот на Олимписката повелба.
Зимските олимписки игри (ЗОИ) ќе се одржат од 4 до 20 февруари во Пекинг, Кина.