Според Израелските одбранбени сили, новата мапа има за цел да го намали бројот на жртви кога изведува напади во цивилни области, каде што, како што се посочува, Хамас веќе поставил воена инфраструктура
Откако истече договорот за привремено примирје меѓу Израел и Газа, израелските одбранбени сили (ИДФ) објавија нова интерактивна мапа на која е прикажана Газа поделена на стотици нумерирани области на кои се прикажани зони за евакуација на жителите и кои, според нивните најави, треба да се користат во следната фаза од војната, јавува Си-ен-ен.
„Објавената карта ја дели територијата на Газа на зони според препознатливите области. Ова им овозможува на жителите на Газа да се ориентираат и доколку е потребно да се евакуираат од одредени места заради нивна безбедност“,
се вели во соопштението.
The IDF published information regarding the evacuation of Gazan civilians for their safety in the next stage of the war.
— Israel Defense Forces (@IDF) December 1, 2023
The map published divides the territory of Gaza into zones according to recognizable areas. This enables the residents of Gaza to orient themselves and to…
Оттаму посочиле дека новата мапа има за цел да ги намали жртвите кога изведува напади во цивилни области, каде што, посочуваат дека Хамас веќе поставил воена инфраструктура.
Картите се објавени на англиски, арапски и хебрејски јазик на социјалните мрежи и на летоци.
ИД фрли летоци во областите на јужниот дел на Газа, кои имаат кју-ар код, кој кога ќе се скенира ги поврзува со мапата.
Сепак, треба да се земе предвид и дека телекомуникациската и електричната инфраструктура во Газа претрпела голема штета во текот на неколкунеделното бомбардирање помеѓу 7 октомври и почетокот на привременото примирје на 24 ноември оставајќи многу жители без постојан до интернет и струја.
И покрај обновувањето на воените дејствија во Газа, преговорите за повторно примирје меѓу Израел и Хамас продолжуваат, се вели во соопштението на Министерството за надворешни работи на Катар, пренесува Си-ен-ен.
Обединетите нации проценуваат дека до 1,8 милиони луѓе во Газа, или речиси 80 отсто од населението, се внатрешно раселени бидејќи веќе морале да ги напуштат своите домови.