Израел се спротивставува на барањето на САД за „хуманитарна пауза“, прво бара ослободување на заложниците

Американскиот државен секретар Ентони Блинкен, на денешната трета посета на Израел од почетокот на војната на Блискиот Исток во октомври, на Нетанјаху му го повторил барањето на американскиот претседател Џо Бајден дека е потребна „хуманитарна пауза“ во борбите за да се олесни хуманитарна криза во Газа. Услов, кој го поставил Нетанјаху за каков било прекин на огнот е ослободување на околу 240 заложници

Претседателот на Израел Бенјамин Нетанјаху денеска се спротивстави на барањето на САД да направат „хуманитарна пауза“ во тековната војна меѓу еврејската држава и Хамас со цел да се заштитат цивилите и да се достави дополнителна хуманитарна помош за Појасот Газа. Услов, кој го поставил Нетанјаху за каков било прекин на огнот е ослободување на околу 240 заложници.

Американскиот државен секретар Ентони Блинкен, на денешната трета посета на Израел од почетокот на војната на Блискиот Исток во октомври, на Нетанјаху му повторил дека Израел ја има поддршката од САД за нејзината вооружена борба против Хамас, но, исто така, го повторил и барањето на американскиот претседател Џо Бајден дека е потребна „хуманитарна пауза“ во борбите за да се олесни хуманитарна криза во Газа.

Бајден повика на „хуманитарна пауза“ во конфликтот меѓу Израел и Хамас во Газа

По разговорите со Нетанјаху, Блинкен изјави дека паузата во воените операции е неопходна за да се достави дополнителна хуманитарна помош и да се помогне во ослободувањето на заложниците киднапирани од Хамас на 7 октомври.

Блинкен повторно во Израел, ќе се фокусира на минимизирање на штетата врз цивилите

Сепак, Нетанјаху возврати велејќи дека Израел „ќе продолжи со полна брзина“ да се справува со Хамас се додека заложниците не бидат ослободени и ја отфрли можноста дополнително гориво да биде доставено во Газа со образложение дека Хамас го краде тоа гориво и ќе ги заплени сите нови пратки.

„Јасно кажав дека продолжуваме со сите сили и дека Израел отфрла привремен прекин на огнот што не вклучува ослободување на сите заложници“,

рече Нетанјаху.

Претставничкиот дом на САД изгласа помош од 14,3 милијарди долари за Израел

Американските власти велат дека бараат кратки паузи во одредени области за да се овозможи испорака на хуманитарна помош и да се олеснат напорите за ослободување на заложниците, по што Израел би можел да продолжи со воената акција.

„Разговаравме за голем број легитимни прашања денеска, од тоа како да се искористи затишјето во офанзивата за да се добие што е можно повеќе хуманитарна помош, да се ослободат заложниците и да се осигураме дека Хамас не ја искористи паузата“,

изјави Блинкен.

Блинкен денеска имал средба и со израелскиот претседател Исак Херцог каде повторил дека Израел има право „да направи се што е можно за никогаш повеќе да не се повтори 7 октомври“.