Лекот „ивермектин“ ги поминал сите фази на одобрување во Министерството за здравство и Агенцијата за лекови МАЛМЕД и се очекува да пристигне во земјава во следните две недели, соопшти министерот за здравство Венко Филипче. Ќе се издава на рецепт од матичен лекар и во болнички услови.
„Студиите укажуваат дека лекот се дава во три сценарија: кај ризични групи работници кои има ризик да заболат, втора група е кај луѓе кои биле во контакт со потврден заболен и нормално кај луѓе кои се заболени. Кај трите групи има различни индикации и дозирање, затоа е важно давањето да биде под контрола на лекар. Јас верувам дека во следните две недели ќе биде достапен во нашата земја“,
рече Филипче при денешната посета на Универзитетската клиника за гинекологија и акушерство-Скопје.
Министерот соопшти и дека државата очекува преку три механизми да добие по 800 илјади дози на вакцините, што би било доволно за да се создаде колективен имунитет.
Тој на денешната прес-конференција рече и дека сѐ што значи ослободување на мерките би можело да се случи по 21 јануари.