Бројот на смртни случаи од новиот коронавирус во Италија се зголеми за 837 во последниве 24 часа. Сега, вкупно во земјата има 12.428.
Според податоците на „Ворлд о Метерс“, бројот на новозаразени е зголемен за 4.053 во однос на вчерашните 4.050, со што вкупниот број на заразени од избувнувањето на епидемијата на 21 февруари е 105.792.
Во неделата беа регистрирани 4.217 нови случаи, додека во саботата имаше 5.947 нови случаи.
Бројот на смртни случаи од вирусот во Ломбардија, најтешко погодениот регион во Италија, опадна нагло, а бројот на новозаразени опадна веќе трет ден по ред, што укажува на тоа дека ситуацијата таму се подобрува побрзо отколку во другите делови на земјата.
Во соседниот Пиемонт, бројот на жртвите е 105, значително поголем од претходниот ден.
Од заразените на национално ниво вкупно 15.729 целосно закрепнале.