Од Универзитетот во Виена, кој го спровел истражувањето, сметаат дека војните и кризите промовираат ширење на теориите на заговор, давајќи едноставни објаснувања за сложените геополитички контексти. Тоа, според нив, им носи финансиска бенефит на медиумите кои шират дезинформации, а политичка корист имаат популистичките партии
Универзититот во Виена во рамки на Австрискиот корона панел проект спровел интересно истражување за начинот на кој за војната во Украина размислуваат испитаниците, во зависност од тоа дали се вакцинирани или не од ковид-19.
Истата група, вкупно 1 500 лица биле дел од проектот, односно биле редовно интервјуирани од стартот на пандемијата, за нивниот однос не само кон вакцините, туку и за носењето маски и за останатите мерки за заштита од ширењето на вирусот.
Податоците кои ги добиле истражувачите од Универзитетот во Виена а ги објави австрискиот магазин „Профил“ покажуваат дека огромен број лица кои се противеле на вакцините, демонстрирале против мерките и верувале во конспиративните теории за коронавирусот, сега сметаат дека виновникот за војната во Украина се САД и НАТО.
„Наративите на теоријата за заговор за короната и за војната во Украина се наполно идентични. Секогаш се работи за тоа дека постојат одредени елити кои ве лажат. Основата на која се градат сите овие теории е антиелитизмот. “,
вели комуникологот Јакоб Мориц Еберл.
На испитаниците им била дадена можност да изберат повеќе „виновници“ за војната во Украина. Резулатите од анкетата покажуваат дека огромното мнозинство луѓе кои биле имунизирани против корона или 88 отсто од интервјуираните најчесто ја обвинуваат Русија, додека мнозинството од 66 отсто од невакцинираните ги обвинуваат САД.
Од Универзитетот во Виена сметаат дека војните и кризите промовираат ширење на теориите на заговор, давајќи едноставни објаснувања за сложените геополитички контексти.
„Низ Австрија, околу 30 до 40 отсто од луѓето прифаќаат такви приказни. Креаторите на алтернативните медиуми имаат финансиски интерес да шират дезинформации – а популистите имаат политички интерес“,
посочува Еберл.