Kако држава сме ориентирани кон пазарната економија, така што во приватниот сектор секој си оди од побарувачката и потрошувачката, како и од трошоците на набавка, објаснува директорот на ДПИ
Државниот пазарен инспекторат нема надлежност да ги контролира цените, освен за производи за кои има одлука, на државно ниво за ограничување на поскапувања, вели директорот на ДПИ одговарајќи на новинарското прашање за видливото покачување на цените на производите во продавниците.
„Државниот пазарен инспекторат врши контрола на цените, меѓутоа само на оние што се донесени на државни ниво, како заштитени или ограничени цени. За жал, во трговијата на мало, за најголемиот дел производи и стоки што се покачени овој период, немаме надлежност да контролираме, бидејќи како држава сме ориентирани кон пазарната економија, а во пазарната економија и во приватниот сектор секој си оди од побарувачката и потрошувачката, како и од трошоците на набавка, трошоците за превоз, како и она што им е како маржа, односно заработувачка на самите претпријатија“,
изјави Пауновски.
Директорката на Државниот санитарен здравствен инспекторат, Ирина Сотирова-Бухова, на новинарско прашање околу покачувањето на цените на лабораториските услуги, исто така, посочи дека ДСЗИ нема ингеренции да ги контролира. Тоа, како што рече, е во ингеренции на други институции.