Според министерството за транспорт, железничките услуги ќе бидат прекинати до 15 јуни, додека забраната за авионски патувања ќе биде во сила до 1 јуни, а патувањето по морски пат се забранети до 8 јуни
Индонезија привремено го забрани целиот сообраѓај – патнички, воздушен и морски, за да спречи ширење на коронавирусот, во услови на зголемени движња за време на светиот месец Рамазан.
Ограничувањата се прилично ригидни и според она што го објавија властите тие се совпаѓаат токму со пикот на евентуалните патувања, што обично се случува една недела пред празникот.
Според министерството за транспорт, железничките услуги ќе бидат прекинати до 15 јуни, додека забраната за авионски патувања ќе биде во сила до 1 јуни, а патувањето по морски пат се забранети до 8 јуни.
Забраната стапи на сила од петокот, кога започнаа рамазанските пости.
Мерките предвидуваат забрана за патување со приватни возила и моторцикли во поголемите градови кои се жариштата на ковид-19, познати како „црвени зони“. Областа позната како Голема Џaкарта е една таква зона каде што коронавирусот во изминатиот месец се шири многу брзо.
Десетици илјади војници се вработени на контролните пунктови за спроведување на регулативите.
Во Индонезија живее најголемата муслиманска популација во светот, и според традицијата десетици милиони луѓе од поголемите градови секоја година патуваат дома во помалите места за да го прослават крајот на Рамазан со семејства и најблиските, годишна традиција наречена мудик.
Но, оваа година земјата се бори со рапидно растечки број на заразени со коронавирус и кај властите постои загриженост дека масовната миграција кон дома ќе предизвика зголемување на бројот на заболени со ковид -19.
Во раната фаза на пандемијата, Индонезија беше меѓу земјите со многу мал број зарзаени, се до почетокот на март. Сега, земјата е втора на листата со најмногу случаи во Југоисточна Азија, со 8 607 заразени и 720 починати, зад Сингапур со 13 624 заболени.