Втор ден по ред, бројот на новозаболени е помал од 300 000, но вкупниот број случаи на коронавирусот во Индија веќе надмина 25 милиони
Индија денеска регистрира 4 329 нови смртни случаи како последица од коронавирусот, што е најголем број жртви во еден ден од почетокот на пандемијата.
Втор ден по ред, бројот на новозаболени е помал од 300 000, но вкупниот број случаи на коронавирусот во Индија веќе надмина 25 милиони.
Американските медиуми јавуваат дека заразата досега однесе речиси 280 000 животи во Индија.
Индија веќе започна со дистрибуција на нов, домашен лек за лекување на ковид-19.
Властите го одобрија 2-ДГ и тој првпат ќе се користи во болниците низ главниот град Њу Делхи, објави Би-би-си.
Во соопштението од владата се вели дека лекот ќе биде од голема корист за луѓето што боледуваат од ковид-19.
Сепак, некои критичари предупредуваат дека нема доволно податоци за да се поддржи итно одобрување на овој лек за третман против ковид-19.