Пораст од 27,4 отсто има и кај бројот на новозаразени
Најмногу заразени има кај возрасната група од 30 до 39 години, што е тренд и во изминатите три недели
Бројот на новозаразени со коронавирус изминатата недела (од 19 до 25 октомври) е 3 410 случаи од 35 града во државата, што претставува зголемување од 27,4 отсто во однос на минатата недела, покажува извештајот на Институтот за јавно здравје.
Најголем дел од регистрираните случаи се од Скопје (n=1.654; 48,5%), каде е забележана и највисока неделна инциденца – 267,8/100.000.
Бројот на тестирани е вкупно 13 993 материјали во лабораториите во кои се спроведува молекуларно тестирање за присуство на SARS-CoV-2 што е зголемување од 5,9 проценти во однос на минатата недела.
Во наведениот период, процентот на позитивни од тестирани лица изнесува 24 проценти.
Регистрирани се заболени лица во сите возрасни групи, но најзастапена е онаа од 30-39 (22,0%), што е исто како и во изминатите три недели. Голем број на заболени се регистрира и кај лицата над 60 (19,7%), 40-49 (18,5%), 50-59 (17,4%) и 20-29 (n=539; 15,8%), а најмал број е регистриран кај децата од 0-9 (2,1%) и 10-19 години (4,4%).
Според полот пак, пријавени се 1 695 (49,7 отсто) лица од женски и 1 715 (50,3 проценти) од машки пол.
Во изминатата недела освен бројот на новозаразени, зголемен е и бројот на починати и тоа за 71,4 отсто во споредба со минатата недела.
Според извештајот на ИЈЗ, оваа недела починале 84 лица, во споредба со минатата недела – 49 лица и 31 лице од 5 до 11 октомври. Во однос на возраста, најголем број од починатите – 70 лица биле над 60 години, 13 лица на возраст од 50-59 години, три смртни случаи се пријавени од возрасната група 40-49 години и 20 во возрасната група од 30-39 години.
Деталниот извештај на Институтот за јавно здравје за Состојбата со ковид-19 за периодот од 19-25.10.2020 г., како и кумулативната состојба се објавува на веб-страницата на Институтот за јавно здравје http://iph.mk/.
*Поврзана вест
Минатата недела 17,2% од тестираните биле позитивни на ковид